زي ما عودناكم على إيفنتات جامدة و كل ايفنت أجمد من اللي قبله ، بمعلومات شيقة و طريقة طرحنا اللذيذة ، الايفنت الجاي عن الإدمان .
بس تعرف إن في أنواع تانية للإدمان غير الممنوعات و السجاير ، و الأنواع التانية دي تقريبًا عدت علينا كلنا ، كمل قراية …
⚫ أول نوع معانا في الإدمان هو إدمان المخدرات أو الكحول ، و النوع ده من الإدمان بيأثر على وظائف الجهاز العصبي ، و خد المعلومة الصاروخية اللي بتمشي على قواعد كتير ، المواد الكيميائية اللي بيطلها جسمك ، لما بتاخدها من برة ، جسمك بيبطل يطلعها ، يعني لو في مخدر فيه مركب جسمك already بيطلعه ، و انت بتتعاطى مخدر فيه المادة دي ، المادة دي مع الوقت هيبطل جسمك يطلعها ، و ده خطر عليك و على جهاز من أهم أجهزة جسمك ، ده إن لم يكن الأهم .
⚫ تاني نوع معانا و هو إدمان السجاير ، تعرف الفرق بين رئة المدخن و رئة الغير مدخن ، أو الفرق بين سنان المدخن و سنان الشخص الغير مدخن .
⚫ ثالث نوع و هو … ترقب بقى … إدمان الموبايل ، كام مرة في اليوم بتفتح موبايلك ، أو actually كام مرة في الساعة بتفتح موبايلك ، جات notification بقى ، مكالمة ، أو فاتح فيسبوك و مش بتعمل حاجة غير إنك بتسكرول ، و ده بيأثر على إنتاجك طبعًا و مذاكرتك .
⚫ رابع نوع مرتبط باللي فات شوية ، و هو إدمان الـ games ، و أهلاً بجيل بدأ بالألعاب اللي عالكمبيوتر لحد الألعاب اللي زي PUBG و free fire ، و أكيد محدش فينا ميعرفش حد مكنش مشدود أوي للعب و مش عاوز يقوم يعمل بعض الشغل المهم في سبيل إنه يخلص جيم نقله عاللي بعد و نقله عاللي بعده و هكذا.
⚫ خامس نوع بقى ، و ده إدمان المذاكرة ، و ده بقى مفاجأة لوحده زي ما انت اتفاجأت دلوقتي .
استنونا في ايفنت CPS و الإيفنت ده فيه جزء fun أكتر من الاعلانات للإيفنت اللي شفتوها ، و في ألعاب جميلة و مفاجأت أجمل مجهيزنها مخصوص .
انتظرونا يوم الأحد في كلية الصيدلة جامعة جنوب الوادي
CPS Team SVU 