هي إيه فيروسات كرونا دي اللي الناس كلها بتتكلم عنها اليومين دول؟!
دي يا سيدي مجموعة واسعة من الفيروسات منها فيروسات بتتسبب ف حدوث أمراض في البشر، والأمراض دي بتتراوح من نزلة البرد العادية وبين المتلازمة التنفسية الحادة. ومش بس البشر دي كمان بتصيب الحيوانات.
طيب وايه مصدر الفيروسات؟
دي فيروسات حيوانية بتنتقل من الحيوان للبشر، اما منشأها فهو مش مفهوم فهم تام لحد دلوقتي بس على حسب التحليل لمختلف جينومات الفيروس اعتقدوا إن منشأه في الخفافيش وإنه انتقل للجمال في الماضي البعيد.
طيب هو فعلا ظهر نوع جديد من الفيروسات دي ف الصين زي م الناس بتقول ولا دي إشاعة؟
لا ي سيدي مش إشاعة دا فعلا ظهر فيروس اسمه فيروس كورونا المستجد، وف 15 يناير 2020 أبلغ مركز الاتصال الوطني المعني باللوائح الصحية الدولية في جمهورية كوريا عن أول حالة إصابة بفيروس كورونا المستجد وهي مواطنة صينية عندها 35 سنة من ووهان بمقاطعة هوبي في الصين.
وفي 20 يناير 20200 تم التأكد في المراكز الكورية لمكافحة الأمراض والوقاية منها إنها مصابة بفيروس كورونا المستجد (nCoV_2019).
المصادر :
CPS Team SVU 