CORONAVIRUS 3

استكمالا لكلامنا عن فيروس كورونا المستجد

هي إيه الأعراض اللي لو ظهرت اشك انها بسبب فيروس كورونا المستجد؟
هتلاقي ان الشخص المصاب بيعاني من مرض تنفسي حاد وسعال وصعوبة وضيق في التنفس ومحتمل إصابته بالتهاب رئوي، وممكن كمان تلاقي عنده إسهال.

هو ممكن انه ينتقل من شخص للتاني؟!
أيوة ممكن. لأن فيه حالات كتير اشتبه فيها انها ناتجة من انتقال الفيروس بينهم لأنهم أفراد أسرة مقربين، ومع ذلك لسه مثبتش هل هو بينتقل عن طريق السعال او العطاس او المخالطة.

_طيب هو الفيروس دا ملهوش علاج ولا حتى لقاح؟
للأسف مفيش علاج محدد للمرض فبالتالي العلاج بيكون للاعراض الظاهرة على المصاب. وكمان مفيش لقاح متاح للفيروس لحد دلوقتي.

طيب ايه ممكن اعمله علشان اتجنب الإصابة بالفيروس دا؟
نظرا لأن مصدر الفيروس وطرق انتقاله مش معروفة بشكل واضح فمن الصعب تحديد طرق الوقاية بس دا ميمنعش ان فيه بعض التدابير اللي لازم الشخص يعملها وهي:
▪تجنب المخالطة الحميمة مع مرضى السعال والعطاس ومرضى الجهاز التنفسي عموماً قدر المستطاع.
▪الحفاظ على نظافة اليدين.
▪تجنب تناول اللحوم الغير مطهية او مطبوخة بشكل جيد.
▪غسل الفواكه والخضار كويس.
الحفاظ على نظافة الجهاز التنفسي عن طريق السعال او العطس في الكوع او منديل ورقي وسرعة التخلص منه بعد استخدامه.

فرص الإصابة بفيروس كورونا المستجد مش كتيرة ولكن مهم ناخد احتياطاتنا ونعالج مرضى الجهاز التنفسي.

المصدر :
https://www.who.int/csr/disease/coronavirus_infections/faq_23_may_2013/ar/